മദീന


മുഹമ്മദ്‌ നബി(സ) ജീവിക്കുകയും ഒരു ജനതയെ സമ്പൂർണമായി സംസ്കരിക്കുകയും ചെയ്ത മദീനയുടെ മണ്ണ് ഒരുപാട് ചരിത്ര കഥകൾ പറയുന്നു. വിശ്വസ്തൻ (അൽ അമീൻ) ആയി സർവരാലും അംഗീകരിക്കുകയും ആദരിക്കുകയും ചെയ്ത മുഹമ്മദ്‌ നബി(സ) നടന്നു നീങ്ങിയ വഴിയും സഞ്ചരിച്ച പാതയും അദ്ദേഹത്തിന്റെ വിശുദ്ധ ജീവിതം തൊട്ടറിഞ്ഞ മരുഭൂമിയും നബി(സ)യുടെ സൌരഭ്യം നുകർന്ന ഈത്തപ്പനത്തോട്ടങ്ങളും കാണാൻ ദിനംപ്രതി പതിനായിരക്കണക്കിന് വിശ്വാസികളാണ് മദീനയിൽ എത്തിച്ചേരുന്നത്. വികസന പ്രവർത്തനങ്ങളുടെ ഭാഗമായി വളരെ വേഗത്തിൽ മദീന പട്ടണം മാറിക്കൊണ്ടിരിന്നു.